LAOAG CITY – Napagbalinen a naan-anay a linteg ti Republic Act 11997 wenno ti Kabalikat sa Pagtuturo Act kalpasan a pinirmaan ni Presidente Ferdinand Marcos Jr.
Iti babaen ti Kabalikat sa Pagtuturo Act, mapagbalin a P10,000 ti kada tawen ti teaching allowance dagiti mangisursuro kadagiti pampubliko a pagadalan.
Ti nasao nga allowance ket paggatang kadagiti gamit, materyales ken dadduma a kasapulan dagiti mangisursuro iti panagisuro da.
Nagatendar iti signing ceremony iti palasyo ti Malakanyang da Department of Edudation Secretary Sara Duterte, Senate President Chiz Escudero ken House Speaker Martin Romualdez.
Agepekto ti nasao a linteg iti school year 2025-2026.
Iti panagbitla ni Presidente Ferdinand Marcos Jr., inbatad na a ti nasao a linteg ket mangpalag-an kadagiti mangisursuro.
Kuna ti presidente nga adda dagiti mangisursuro a sumagmamanon a dekada nga iti bulsa da ti pagkakautan da kadagiti igatang da ti materyales para iti classroom.
Saan met a nakaatendar iti ceremonial signing ni Department of Education Secretary ken Vice President Sara Duterte ngem inbagian daytoy ni Department of Education Spokesperson Michael Poa.
