LAOAG CITY – Saan a madanagan ni Presidente Ferdinand Marcos Jr. iti resulta dagit survey no sadinno ket tumaptapaw ni Vice President Sara Duterte kas sumaruno a mangsukat kenkuana iti puesto.
Segun iti Preidente, makitkitana dagiti numero iti survey ngem saanna daytoy a pakadanagan.
Innayonna pay a ti panangipatungpal ti polisia ket nakabasar iti pammati ken iti aramid a segun iti presidente ket daytoy ti kamayatan, ket saan a nakadepende iti survey gapu ta saanna daytoy a maamoan no umno wenno saan ti araramiden ti admiistrasion.
Kabayatanna, basar iti baro a pre-election surveys, agtaltalinad a kangatoan ni Duterte ken idinto a sumarsaruno kenkuana ni Naga City Mayor Leni Robredo, no sadinno ket addaan dagiti dua ti agwat a siyam a puntos.
