LAOAG CITY – Naiget ti panagbantay ken panagmonitor ti Philippine Coastguard iti kabaybayan iti intero nga Ilocos Norte.
Daytoy ti inrakurak ni Lt. Joseph Christian Sagun iti Philippine Coastguard (PCG) ditoy probinsya.
Kuna na a manipod iti ili ti Badoc agingga iti ili ti Pagudpud ket naiget ti panagpatrolya ti 85 a personnel ti Philippine Coastguard.
Inpakaammo ni Sagun a malaksid kadagiti personnel da ket tumultulong pay kadakuada ti lokal a gobierno ken dagiti opisyal ti barangay tapno masigurado ti kinatalged ken seguridad dagiti beachgoers ita nga holiday season.
Inpasingked pay ni Sagun a kompleto ti gamit nga usaren da no bilang adda ti emergency a respondean da.
