LAOAG CITY – Nagpalagip ni Mr. Marcel Tabije iti Provincial Disasters Risk Reductions and Management Council (PDRRMC) kadagiti mannalon.
Daytoy ket pakaseknan iti mabalin nga apekto ti Bagyo Rosita ditoy probinsya.
Immuna iti daytoy, binalakadan ti PDRRMC kadagiti City ken Municipal Disasters Risk Reductions and Management Council nga agsagana.
Inbatad na a rumbeng nag agsagana dagiti nagduduma nga ahensya kas iti BFP, PNP kasta met daiti opisyal ti barangay ken residente.
Inlawlawag na a masapol a dagiti nagannak ket saan da a palubusan dagiti annak da a rumwar nangruna no naangin tapno maliklikan ti anyaman a madi a mapasamak.
Innayon na a nasken nga agannad dagiti kaprobinsyaan kabayatan ti isasaplit ti Bagyo Rosita ditoy probinsya.
