LAOAG CITY – Inpetteng ni Mr. Marcel Tabije, mangidadaulo iti Provincial Disaster Risk Reduction and Management Office iti Ilocos Norte a nakasagana dan iti panawen ti panagtutudo.
Segun kenkuana, daytoy ket kalpasan nga opisial nga indeklara ti Philippine Atmospheric, Geophysical and Astronomical Services Administration ti panawen ti panagtutudo.
Inbatdna nga immunan a nakitaripnong daytoy kadagiti City ken Municipal Disaster Risk Reduction and Management Council ditoy probinsia ken inpasigurado na a nakasagana met dagitoy iti anyaman a sumangbay a kalamidad.
Malaksid iti daytoy, inpasigurado na pay a nakasagana dagiti tallo a rescue boat pakairamanan ti maysa a rubber boat, aluminum boat ken dagiti basbassit a rubber boat.
Kunana pay nga adda ti uppat a rescue boat a manamnama nga idonar ti National Government.
Inbatad na a dagiti rescue boat ket mainayon kadagiti us-usarenda a pag-rescue no adda dagiti kalamidad a dumteng ditoy probinsia.
Innayonna a nakaibunong ti opisina ti nasurok a 1,230 a life vest kadagiti siam a lokal a gobierno idi bulan ti Pebrero no sadinno 100 a life vest kadagiti non-coastal town ken 125 a life vest kadagiti lugar nga asideg iti baybay.
Kabayatanna, nakasagana metten dagiti dump trucks, generators, ken dagiti heavy equipment kas kadagiti backhoe, loader, lift ken boom truck a kas panagsagana iti umay a didigra.
