LAOAG CITY – Kinarit ni House Committee on Public Accounts Chair ken Bicol Saro Partylist Rep. Terry Ridon ni Vice President Sara Duterte a personal a dumatag iti impeachment proceedings iti Kamara de Representantes ken direkta a sungbatan dagiti akusasion kontra kenkuana.
Inbatad ni Ridon, ti panagdengngeg ti House Committee on Justice ti umno a forum tapno maikalintegan ti Bise Presidente ti bagina.
Inlawlawagna a saan pay daytoy a pormal a panangtingiting no diket maysa a preliminary investigation tapno ammoen no adda ti umdas a pagibasaran ti kaso sakbay nga ikabil iti Senado.
Inpettengna a nasken nga agsungbat ni Duterte ti palawagna mainaig iti confidential funds, baknang ken dadduma pay nga isyu, imbes a mangnamnama kadagiti teknikal a panangkontra ken petision iti Korte Suprema.
Innayon ni Ridon, agtultuloy ti proseso ti Kamara de Representantes maiyataday iti Konstitusion ken agtultuloy daytoy uray awan pay ti pannakipartisipar ti Bise Presidente.
