LAOAG CITY – Naduktalan ti National Bureau of Investigation (NBI) nga umabot iti 200 dagiti peke a birth certificates ti in-isyu ti civil registry idiay Sta. Cruz, Davao del Sur, no sadinno a kaaduan kadagitoy ket Chinese nationals.
Segun ken ni National Bureau of Investigation Region 11 Director Archie Albao, na-isyu dagiti peke a dokumento sipud pay idi 2018 agingga 2019.
Iti agdama ket agtultuloy ti imbestigasyon da kadagiti peke a birth certificate a nai-isyu kadagiti ganganaet.
No inkaso nga adda maala da nga ebidensya ket manamnama a mapilaan dagiti responsible nga indibidwal iti kaso.
Basar iti National Bureau of Investigation Regional Director, nadiskubre dagiti peke a dokumento bayat ti imbestigasyon ken pannakitinnulong da kadagiti ahensiya ti gobyerno kas iti Philippine Statistics Authority, Bureau of Immigration ken local government units.
Kabayatanna, inpaka-ammu ti ahensya nga adda pakainaigan na daytoy iti pannakakemmeg ti maysa a Chinese national iti front dest ti Department of Foreign Affairs (DFA) idiay Davao City idi Hulyo 9.
