LAOAG CITY – Manamnama a mangiwayat manen ti soil and water testing ti Provincial Environment and Natural Resources Office iti Mt. Kilang, Calanasan, Apayao.
Daytoy a wagas ket tapno maammoan ti naan-anay a rason ti pannakaitunda ti panagreggaay ti kabambantayan ken panaglibeg ti danom.
Basar iti lokal a gobierno iti ili ti Solsona, manarimaan pay laeng nga iyur-urayda ti report manipud kadagiti Indigenous People tapno mawaknitan ti pagnaanda nga agturong iti mismo paset ti bantay nangruna ket narisgo iti nasao a lugar gapu iti mapaspasaran a panagtudtudona.
Naammoan nga idi saan pay a nagreggaay ti bantay ket adda dagiti maiwaywayat a panagminas ti lime stone.
Kabayatanna, adda metten ti naisayangkat a panagtataripnong dagiti maseknan a barangay ken opisial maipanggep iti daytoy a banag.
