LAOAG CITY – Naipadalan iti lockdown ti Pentagon kalpasan a nakaawat ti damag mainaig iti posible nga hazardous materials incident ken air quality issue iti pasdek.
Basar iti United States Department of Defense, naammoan ti safety systems ti Pentagon ti problema iti angin isut gapuna nga insigida a nangipatungpalda ti precautionary measures ken shelter-in-place order iti naapektaran a paset ti pasdek.
Inbatad ti pannakangiwat ti Pentagon a ni Sean Parnell nga iwaywayat ti standard protection protocols kabayatan nga agtultuloy ti imbestigasion ken panangberipikar iti namunganayan ti insidente.
Naipadamag pay a ti sumagmamano a paset ti pasdek ti temporario a naibakwit ken inserra kabayatan a naka-deploy ti emergency response teams.
Ti Pentagon a maysa kadagiti kadakkelan a pasdek iti intero a lubong ket dati a nagbalinen a target ti panangatake idi Setiembre 11, 2001.
