Inbatad ti maysa nga opisial ti Pentagon a ti gastos ti Estados Unidos kabayatan iti agtultuloy a gubatna iti Iran ket dumanonen iti mapatta-patta a $29 bilion.
Dayta ket $4 bilion nga ad-adu ngem iti dati a mapatta-patta ti pagilian idi napan a bulan a $25 bilion laeng.
Pakairamanan ti adu a gastos dagiti para iti pannakatarimaan ken pannakasukat dagiti alikamen, kasta met dagiti gastos iti military operation.
Malaksit iti dayta, saan a dagus nga inlawlawag ti Pentagon no kasano a nagun-od ti $29 bilion a dagup.
Immunan nga inrakurak ti Reuters idi Marso ti mapatta-patta nga immabot a dagus iti saan a bumaba iti $11.3 billion a gastos ti Estados Unidos iti umuna nga innem nga aldaw ti rinnupak nga indauloan ni Estados Unidos President Donald Trump.
