LAOAG CITY – Inpetteng ni Fire Chief Inspector Roxanne Parado, ti Fire Marshall ditoy ciudad ti Laoag nga adda ti panagkurkurang dagiti personnel ti Bureau of Fire Protection iti intero a pagilian.
Segun kenni Parado, ditoy ciudad ket nakurang iti 30 a BFP Personnel gapo ta masapol a 14 a personnel kuma iti agyan iti kada maysa a fire truck.
Nupay kasta, inbatad na nga uray bassit da a personnel iti BFP ditoy ciudad ti Laoag ket kabaelan da latta nga ipaay iti umiso a serbisyo para kadagiti umili.
Kabayatanna, inbatad na nga ti biang ti BFP Nationwide ket addaan laeng ti 22, 000 a personnel ken agkurkurang pay iti 30,000 a personnel.
Kuna na a 52, 000 personnel kuma ti nasken a mangbukel iti BFP nationwide.
Mainaig ti daytoy, nagpanawagan ni Parado kadagiti kwalipikado nga agbalin a kameng ti BFP a mapan da laeng agaplikar iti opisina da.
