LAOAG CITY – Kalikagum ni Ms. Shey Pia Abaya, ti mangidadaulo ti Public Employment Service Office ditoy ciudad ti Laoag a manghire ti graphic designer.
Daytoy ket tapno ad-adda a mapapintas iti pannakaipadanon dagiti impormasion nga ipost da iti online.
Inlawlawgna a ti kangrunaan a kasapolanda a posisyon ket ti graphic designer a nalaing nga aramid ti content para posting iti official page da ken dadduma pay.
Inbatad ni Abaya nga ado pay dagiti plano na para iti Public Employment Service Office ditoy ciudad ti Laoag tapno ad-ado pay dagiti matulungan babaen iti opisinada.
Innayon na a dagiti kayat na ti agaplikar ket agturong laeng iti opisina da ken mangitugot kadagiti kasapolan a requirements kas kuma iti resume, application letter ken dadduma pay.
Immuna iti daytoy nakaawat ti Public Employment Service Office kadagiti nagduduma a pammadayaw a kalikagum na a manayunan isut gapuna nga ikarkarigatan da iti pannakaiplastar dagiti programa ken aktibidad para kadagiti umili ditoy ciudad ti Laoag.
