LAOAG CITY – Naruay a pammadayaw ti naawat ti Provincial Public Employment and Service Office (PESO) iti probinsya manipod iti Rehiyon Uno.
Segun ken ni Ms. Liz Atuan, mangidadaulo iti nadakamat a pangopisinaan, dagiti naawat da a pammadayaw ket gapu kadagiti nagduduma a programa a maipapaay para kadagiti umuli.
Kunana nga agtultuloy ti programa ti gobierno probinsial kas iti panangipaay ti panggedan kadagiti umili.
Dagiti pammadayaw a naawat iti PESO ket ti Top Performing PESO in the implementation of the Career Development Support Program, Regional winner iti NSRP Excellence Award in employer engagement, job fair excellence award in employment facilitation, search for best peso 2023 (1st class province category), recognition for the successful implementation of jobstart Philippines, certificate of commendation and plaque of recognition for Peso manager and peso- province, ken successful national nominee to the 23rd national search for best peso (1st class province category).
Mainaig iti daytoy, inpanamnama ni Atuan a saan nga agsardeng ti gobierno probinsial a mangidiaya ti naruay a pamastrekan ken panggedan para kadagiti residente ditoy probinsia.
