LAOAG CITY – Kalikagum ti Provincial Government of Ilocos Norte babaen iti Environment Natural Resources Office nga agbalin a zero waste ditoy probinsia inton tawen 2040.
Segun ken ni Mr. Jojie Jimenez, mangidadaulo ti Environment Natural Resources Office, daytoy ti rason no apay a naiget ti panagkampanyada kadagiti barangay, local government unit ken pagadalan ditoy probinsia ti naiget nga implementasion ti Solid Waste Management Act.
Kinunana a babaen kadagiti nagduduma a programa ken proyekto kas iti Search for Cleanest and Greenest Barangay, Local Government Unit, ken pagdalan ket makatulong iti pannakaimplementar ti nasao a linteg.
Kabayatanna, kalkalpas laeng ti validation kadagiti nagduduma a lugar ditoy probinsia ken maipaay ti pammadayaw iti nadakamat nga aktibidad inton Disiembre 18 iti capitol auditorium.
