LAOAG CITY – Kalikagum ti gobierno probinsial nga ad-adda pay a mapapintas ti coffee plantation iti Barangay Saguigui iti ili ti Pagudpud.
Daytoy ti manarimaan nga ar-aramiden ti Provincial Environment and Natural Resources Office.
Segun ken ni Mr. Jogie Jimenez, Environmental Program Officer, agtitinnulong dagiti maseknan nga ahensia iti pannakapapintas pay ti coffee plantation.
Inbatadna nga adda ti naiyuswat a panagsanay babaen ti Department of Trade and Industry, Department of Science and Technology ken dadduma pay nga ahensia pakairamanan dagiti stakeholder.
Inpakaammo pay ni Jimenez nga addan iti sumurok dua a ribu a coffee trees ti nagtubo.
Immuna iti daytoy, plano ti gobierno probinsial nga adda ti mapataud a bukud a produkto ti kape.
