LAOAG CITY – Nagkiddaw ti tulong ti Provincial Government of Ilocos Norte ti tulong iti Bureau of Fire Protection seknan iti posible a panagkurang ti danom kadagiti billeting center kabayatan ti 2025 Palarong Pambansa.
Inbatad ni Ms. Helen Domingo, mangidadaulo ti Provincial Sports and Development Office a dumanon iti 15 agingga 18 a rehion dagiti bisita iti nasao nga aktibidad.
Inlawlawagna a no bilang saan a kabaelan ti Ilocos Norte Electric Cooperative a suplayan ti kasapulan a danom ket ti Bureau of Fire Protection ti mangsupusop ti masapol a danom.
Kunana nga adda dagiti drum nga ipan ti Provincial Engineering Office kadagiti billeting center nga isu ti panangipundoanda ti danom.
Innayonna a sakbay pay a naiyuswat ti technical conference kadagiti amin a rehion ket addan ti addang nga inaramid ti probinsia.
Kabayatanna, mamati ti mangidadaulo ti Provincial Sports and Development Office a dagiti maseknan nga ahensia ken kooperatiba kas ti Ilocos Norte Electric Cooperative ket nakasagana metten nangruna ket panawen ti kalgaw inton maisayangkat ti indaklan nga aktibidad no sadinno nga host ti probinsia.
