LAOAG CITY – Nangipaay ti Provincial Government of Ilocos Norte ti sagdudua a milyon a pisos kas tulong kadagiti probinsia a naapektaran gapu kadagiti nagsasaruno a bagyo.
Basar iti gobierno probinsial, naiyawat daytoyen a tulong pinansial iti probinsia ti Cagayan ken Camarines Sur.
Babaen iti nasao a tulong ket makatulong a bumangon dagiti maseknan nga umili kadagiti nadakamat a probinsia.
Kabayatanna, nakaukkon ti gobierno probinsial dagiti nagduduma a banag a mabalin a mausar pay kadagiti biktima ti bagyo babaen iti naisayangkat nga Himala sa Buhangin.
