LAOAG CITY – Naragsak ti Philippine Red Cross Ilocos Norte Chapter kalpasan ti naiwayat a Dugong Bombo, a little pain a life to gain a maysa kadagiti Corporate Social Responsibility ti Bombo Radyo Philippines.
Segun kenni Mrs. Edna Orcino, mangidadaulo iti Philippine Red Cross Ilocos Norte Chapter, naruay manen a tulong ti inpaay dagiti nagduduma nga ahensya kas iti PNP, BFP, DPWH, Traffic Division, Motorcycle COPS, non government organization, ROTC ken dagiti dadduma pay a kaprobinsyaan a nakipagpaset iti Dugong Bombo.
Inbatad na a saan laeng a maymaysa ti kabaelan a matulongan ti maysa a successful blood donor ngem ketdi dua wenno nasursurok pay.
Dinayaw ni Orcino ti Bombo Radyo Laoag gapu ti gagar na a makatulong kadagiti agkasapulan ken iti biang Red Cross tapno adda ti naan-anay a pondo ti dara.
Inpalagip na manen a sakbay ti panagdonar ti dara ket masapul a nakasagana ti bagi ti maysa nga agdonar.
Nagyaman ni Orcino kadagiti amin a nakipagpaset iti Dugong Bombo a little pain a life to gain ti Bombo Philippines.
