LAOAG CITY – Inabisoan ti Philippine Health Insurance Corporation dagiti babbai a miembro nga usaren ti mammogram ken ultrasound package.
Segun ken ni Philippine Health Insurance Corporation Acting Vice President for Corporate Affairs Group Rey Baleña, maysa ti breast cancer kadagiti kangrunaan a sakit a mangitunda ti pannakatay kadagiti babbai ditoy Pilipinas isu nga inramandan ti Konsulta Package ti mammogram ken ultrasound tapno saanen nga agproblema dagiti babbai iti gastos.
Inbatadna a naruay a babbai ti makapaspasar ti narisgo a breast cancer isu a karamanen ti mammogram iti package tapno alisto a maduktalan ken kumaro pay ti sakit.
masugpo natin ang paglaganap, paglala ng cancer,” ani Baleña.
Inlawlawagna a libre ti mammogram ken ultrasound iti babaen ti Konsulta package no sadino ti pundo nga inaprobaran ti Philippine Health Insurance Corporation Board iti tunggal pasiente ket P1,700 manipod iti dati a P500.
