LAOAG CITY – Naawaten dagiti miembro ti Philippine men’s curling team dagiti cash incentives-da manipud iti gobierno.
Kageddan daytoy ti pannakagun-odda iti naisangsangayan a balitok a medalya iti Asian Winter Games idiay China.
Basar iti Philippine Olympic Committee (POC) nga inpaaydan kadagiti tunggal miembro ti sag-P275,000 kas incentives manipud iti Philippine Olympic Committee Executive Board.
Inbatad ni Philippine Olympic Committee President Abraham Tolentino, ti nasao a gatad ket bassit laeng maidasig kadagiti sakripisio ken dagiti bukud a gastos ti koponan kabayatan ti panagsanay.
Ti grupo ket bukbuklen da Marc Pfister, Christian Haller, Enrico Pfister, Alen Frei, alternate ken Curling Pilipinas President Benjo Delarmente.
Naammoan a dagiti Swiss-based athtletes ket agsagsagana metten para iti Milano Cortina Winter Olympics a maisayangkat inton sumaruno a tawen.
