LAOAG CITY – Inpakaammo ti Philippine Embassy idiay Seoul a pinaatiddog ti gobierno ti South Korea ti programana para iti boluntario a panagawid dagiti awan dokumentona a ganggannaet manipud iti nadakamat a pagilian.
Iti advisory ti Ministry of Justice (MOJ) ti South Korea, ti pannakapalawa ti programa ket agingga inton Enero 31, 2025.
No sumrek dagiti awan dokumentona a ganggannaet iti South Korea sakbay ti nadakamat a deadline, saanda a mamulta ken saanda a mai-blacklist.
Binakadan pay ti Philippine Embassy dagiti awan dokumentona a Pilipino a gundawayanda ti nadakamat nga extension.
Mainaig iti daytoy, pinaregta pay ti Embahada ti tunggal maysa a mangtaginayon iti valid ken legal a dokumento, agraman ti pasaporte ken dadduma pay a kasapulan a papeles, bayat ti panagtrabaho wenno panagnaed iti nadakamat a pagilian.
