LAOAG CITY – Naragsakan ti Philippine government ti ceasefire agreement iti nagbaetan ti Israel ken Hamas a nagleppas iti 15 a bulan a riribok iti Gaza.
Naidatag ti katulagan iti nagbaetan ti dua a partido ti six-week initial ceasefire phase a sakupen ti in-inot a panagtalaw ti Israeli Defense Forces manipud iti Gaza strip.
Karaman iti phased deal ti pannakawayawaya dagiti hostage nga iggem ti Hamas kasukat ti Palestinian prisoners nga iggem met ti Israel.
Inbatad ni Presidente Ferdinand Marcos Jr. idi 2023 nga agtultuloy ti panangipetteng ti Philippine government iti Israeli government iti baet ti gubat daytoy kontra iti extremist group.
