LAOAG CITY – Nangipaay ti Philippine National Police ti reward money kadagiti sumagmamano nga impormer gapu iti pannakatiliw dagiti most wanted criminals a sapsapulen dagiti polis.
Umabot agingga iti P1.6 milion ti naited kadagiti walo nga assets a nangipaay iti napateg nga impormasion tapno matiliw dagiti siam a most wanted persons a karaman kadagiti nagduduma a krimen kas iti murder, rape, ken homicide.
Iti statement ni Chief PNP, Police General Rommel Francisco Marbil, dinayawna ti pannakitinnulong dagiti impormer.
Kinunana a ti reward program ket paset ti agtultuloy a panagregget ti PNP a mangbangon iti natibtibker a panagtinnulong ti pulisya ken ti komunidad.
Kabayatanna, inpasigurado na nga ad-adda pay a paigetan ti nailyan a pulisya ti panankatiliw dagiti amin a kriminal.
Kageddan iti daytoy ginutigot na ti publiko a makitinnulong kadagiti polis para iti natalged nga aglawlaw para iti pagilyan.
