LAOAG CITY – Manglukat ti Pilipinas ti overseas labor office idiay Bangkok.
Daytoy ti inpakaammo dagiti key officials iti sidelines ti Asia-Pacific Economic Cooperation (APEC) Summit iti Thai capital.
Iti panagbitla iti sangoanan ti Filipino community ni Presidente Ferdinand “Bongbong” Marcos Jr., kiniddaw na ken ni Department of Migrant Workers (DMW) Secretary Susan “Toots” Ople ti development iti nasao a plano.
Kinumpirmaran ni Ople a maaddaan ti nukod a POLO (Philippine Overseas Labor Office) iti Bangkok ken para kadagiti amin nga agkidkidaw a Pilpipino.
Ti POLO ket adda iti poder ti Department of Labor and Employment (DOLE) ken agserserbi nga operating arm daytoy para iti administration ken enforcement iti nagduduma a polisiya ken programa a kasapulan dagiti overseas Filipino workers (OFWs).
Segun ken ni Presidente Marcos, ti development ket immunan nga inkoordenar ni Ople sakbay a nagturong iti Bangkok.
Inbatad na dakkel a banag daytoy iti Filipino Community ken mapagtalkan ti secretary.
Maipalagip a ti Presidente ken ti gabinete na ket agdama nga idiay Bangkok para iti APEC Summit nu sadino a nagtataripnong met dagiti economic leaders manipod iti nagduduma a rehiyon tapno madiskutir ti nagduduma nga addang para iti panagrekobre ken integrating inclusivity.
Adda met ti nagbalin a bilateral meeting ti presidente kadagiti counterparts manipod China, Saudi Arabia, France, New Zealand ken Australia.
