LAOAG CITY – Balligi nga insayangkat ti Philippine Red Cross ti World First Aid Day 2026 idi kalman, Setiembre 12 iti Baseco Compound, Port Area Manila no sadinno umabot ti 800 a residente ti naipaayan ti kanayonan nga adal mainaig iti umno a panangipaay ti first aid.
Daytoy ket indauloan ti Safety Services ti Philippine Red Cross ken kabinnulig ti Welfare Service ken Philippine Red Cross Manila Chapter.
Ti tema ti programa ket “First Aid in Migration Contexts,” a nakapokus saan laeng ti umno a pannakasayangkat ti first aid no diket agbalin kas panagsagana dagiti umili nga agbalin a mentally, emotionally ken physically prepared no kasapulan ti agbakwit gapu iti didigra.
Gagem ti programa a papigsaen ti panagsagana dagiti komunidad a mabalin a makapasar ti displacement, evacuation, travel, temporary shelter wenno panangbukel ti baro a pagtaengan iti saan a pamiliar nga aglawlaw.
Paset pay daytoy ti gagem ti Philippine Red Cross nga aramiden nga ad-adda nalaka ken accessible ti panangibunong ti umno ken praktikal nga adal iti first aid iti nagduduma a komunidad iti intero a pagilian
