LAOAG CITY – Balligi a naisayangkat ti maysa a Blood-letting activity ditoy siudad ti Laoag kalpasan a nagbibinnuligan daytoy ti gobierno probinsial, Philippine Red Cross ken ti Provincial Environment and Natural Resources Office.
Ti naisayangkat nga aktibidad ket nakakolektar ti 103,500 a cubic centimeter (cc) a dara.
Segun ken ni Mr. Macel Tabije iti Local Risk Reduction and Management Officer ket daytoyen ti maika-tallo a tawen a maisaysayangkat ti nasao nga aktibidad babaen ti tulong ti Philippine Red Cross no sadinno ket daytoy ti maysa kadagiti naruay nga aktibidad ti probinsia tunggal madanunan ti bulan ti Hulio a panangselebrar ti National Disaster Resilience Month.
Inbatad ni Tabije a malaksid kadagiti empleado ti gobierno ti probinsia ket nagidonar pay ti dara dagiti barangay Rangers Officers a pakairamanan dagiti sumagmamano a kameng ti Philippine National Police.
Inpettengna a naiget a supsuportaran ti biang dagiti nagduduma nga ahensia ti gobierno ti nasao nga aktibidadda gapu ta dakkel daytoy a tulong para iti komunidad.
