Natay ti innem nga indibidual idinto nga agarop 30 a sabsabali dagiti nasugatan iti Israeli air strike iti Nasser hospital iti southern Gaza Strip.
Inbatad ti director iti ospital nga adda ti dua a missiles a timmama it pasdek aglalo iti surgical wards ken intensive care units.
Segun iti health ministry, karaman kadagiti natay ket ti surgeon a ni Dr. Rizq Abu Shaira, sumagmamano a pasyente ken dagiti bantay da.
Naiget a kinondenar ti health ministry ti napasamak a panagatake a nalawag a panaglabsing iti international laws ken conventions.
Inkalintegan ti Israeli military a puntirya da ti commander ti armed wing ken dadduma pay a kameng ti Hamas a nangusar ti ospital kas headquarter da iti plano da a panagatake iti tropa ti Israel.
Nupay kasta, inpetteng ti Hamas nga agiwarwaras ti saan nga usto nga impormasyon ti Israel tapno kaluban ti baro a war crime.
Iti babaen ti international law, dagiti ospital ket addaan ti natalged nga estado ngem masansan a mapuntirya kabayatan ti gubat iti Gaza.
