LAOAG CITY – Saan a bumaba iti 37 nga indibidual ti nasugatan kalpasan ti baro nga airstrike ti Israel iti southern Lebanon kabayatan nga agtultuloy ti maikadua nga aldaw ti ceasefire nga idadauluan ti Washington, D.C.
Basar iti Israeli military, tinargetda dagiti imprastruktura ti Hezbollah iti Tyre ken kaparanget a lugar.
Kabayatanna, kinondenar ti United Nations humanitarian coordinator iti Lebanon ti agtultuloy a kinaranggas ken kunana a nasken a gundawayan ti diplomasia tapno lappedan a kumaro pay ti krisis.
Segun iti Lebanese health ministry, karaman kadagiti nasugatan dagiti babbai, ubbing ken sumagmamano nga hospital workers kalpasan a natamaan ti pasdek nga asideg iti maysa nga ospital ken maysa nga NGO center.
