LAOAG CITY – Ginutigot ti International Criminal Court (ICC) dagiti amin a pagilian ken dagiti korteda ti panangsuportar ti pannakaipatungpal ti international law iti intero a lubong.
Segun ken ni Akane, ti International Criminal Court ket maysa a permanent court nga addaan ti kabalinanna a lepassen ti ‘impunity’ wenno kinaawan ti responsibilidad ken kamaten dagiti dadakkel a lider a nakaaramid ti krimen.
Mainaig iti daytoy, manipud idi naipatakder ti iternational tribunal ket segun kenkuana, naaramiden ti korte ti mandatoda ken agtultuloy pay ti pannakaipatungpal ti gagemda.
Malaksid iti daytoy, inbatad ni Judge Akane a ti panagtultuloy a panagraira ti International Criminal Court (ICC) ket nasken unay tapno masigurado a saan a makalasat dagiti lider a nakaaramid ti krimen kas ti crimes against humanity.
Gapo iti daytoy, segun kenkuana, nasken nga agtalinaed nga independent ti tribunal ken masapol a nawaya daytoy ti aniaman nga impluensia ti politika.
Maipalagip a sakbay ti pananggutigot ti International Criminal Court (ICC) ket immunan nga inrakurak ni US. President Donald Trump ti gagemna a dadaelen ti ICC karaman ti pananggutigotna kadagiti nagduduma a pagilian a saanen a makikooperar iti nadakamat a tribunal.
