LAOAG CITY – Inbutaktak ni Vice President Sara Duterte a gutgutigoten daytoy ti inana a ni Elizabeth Zimmerman a tumaray iti siudad ti Davao.
Kunana pay a kalikagum pay ti inana a tumaray iti national position ti kabsatna a ni Davao City Mayor Sebastian “Baste” Duterte.
Inlawlawag ni Bise Presidente nga awan ti planona a tumaray iti aniaman a posision.
Inbatadna a saan da napagsasaritaan ti kabsatna mainaig iti banag ti politika.
Maipalagip a inawagan ti Senate impeachment court ni Mayor Baste Duterte idi napalabas a lawas tapno agbalin kas testigo mainaig kadagiti negosio a tagikua ti pamiliada a maipagarup a ponpondoan ti Chinese government.
