LAOAG CITY – Agsagsaganan ti Philippine Sports Commission ti maminsan manen a pannakipaset ti pagilian para iti 2028 Los Angeles Olympics.
Daytoy ket iti baet nga uppat a tawen pay sakbay ti nasao a torneo.
Segun ken ni Philippine Sports Commission Chairman Richard Bachmann, nakasentro iti panagtutok ti komision kadagiti sumagmamano nga inisyal a panagsagsagana kas ti panagpokus iti grassroots level.
Malaksid iti daytoy, nakapokus ti komision a pasayaaten ti serbisio dagiti sports facilities iti pagilian a mausar dagiti atleta.
Nupay kasra, iti baet ti panagpokus iti sumaruno nga Olympics, inpasigurado met ni Bachmann a saan a mabaybay-an dagiti local, regional ken dadduma pay nga international sporting events pakairamanan ti hosting ti pagilian.
Ita a tawen ket namnamaen ti komision a maaddaan daytoy ti dakdakkel a budget maidasig iti orihinal daytoy a naikiddaw.
Innayonna a mausar ti nasao a budget para iti pannakapasayaat ti sektor ti sports ditoy pagilian kas ti panangiyurnos kadagiti sports facilities, training dagiti atleta ken dadduma pay.
