LAOAG CITY – Inpasigurado ti Philippine Sports Commission (PSC) ti umdas a tulong kadagiti atleta a Pilipino a makisalip iti Paris Olympics.
Maibasar iti statement ni Philippine Sports Commission chairman Richard Bachmann, dadakkel a cash incentives ti agur-uray kadagiti atleta a maited kadakuada sakbay a mangrugi ti Olympics.
Mainaig iti daytoy, ti inisial a pondo para iti insentibo dagiti atleta ket aggapo kadagiti senador ken dadduma pay a personalidad, pakairamanan ti nasurok P30 million a pinirmaan ni Bachmann.
Kabayatanna, adda ti 15 a Pilipino nga atleta ti kualipikado para iti Paris Olympics ken dakkel ti posibilidad na nga umadu ti bilangda.
