LAOAG CITY – Inbatad ni Dr. Rickson Balalio, mangidadaulo ti Provincial Health Office a manamnama a maiwayat ti aktibidad a Free Screening para iti Human immunodeficiency virus ditoy probinsia iti daytoy a bulan ti Hunio a kas paset ti selebrasion ti Pride Month.
Segun kenkuana, plano ti Population and Development Office babaen iti PRovincial Health Office a maiwayat ti nsao nga aktibidad kalpasan nga agtultuloy ti panagngato a bilang ti kaso dagiti nagpositibo a residente ditoy probinsia.
Mainaig iti daytoy, adda ti maiwayat nga Awareness Program babaen iti parada ken lecture wenno seminar.
Maipalagip nga immunan a naipakaammo ni Dr. Balalio nga adda ti 68 a nairekord a nagpositibo ti sakit a Human immunodeficiency virus ditoy probinsia ken naammoan a puro lallaki.
