LAOAG CITY – Inbatad ni Dr. Jessa Mae De Guzman, Head ti Public Health Unit ti Mariano Marcos Memorial Hospital and Medical Center iti ciudad ti Batac a saan laeng a physical health ti i-assess da no di ket pakairamanan pay ti mental health dagiti biktima ti road crash accident.
Kunana a malaksid kadagiti physical injury a maala dagiti biktima ket posible pay a makapasar dagitoy ti Post Traumatic Stress Disorder.
Nupay kasta, inpasigurado ni De Guzman nga iti biang ti pagpapaayan da nga ospital ket mangipapaay dagitoy ti holistic intervention, pakairamanan ti mental health, kas iti panangirefer da ti psychiatrist no kasapulan ti biktima kalpasan a naaksidente daytoy.
Maipalagip a naisayangkat ti road safety month iti ili ti Banna a nakipagpasetan dagiti nagduduma nga ahensia kas iti Land Transportation Office, Department of Public Works and Highways, Department of Health, UNICEF wenno United Nations Children’s Fund, ken ti gobierno probinsyal.
