LAOAG CITY – Iti Biharia, Romania, maysa a sikat a pianista ti nakagun-od ti baro a world record kalpasan a napaspas a makapindot daytoy ti maysa a piano key ti 500 a daras iti uneg ti 30 a segundo.
Inaramid ni Thurzo Zoltan ti record attempt-na iti titulo a “Most Piano Key Hits in 30 Seconds” idi Oktubre 23. Inaramidna daytoy para iti inana a ni Thurzó Margit Terézia a pimmusay idi 2023 iti tawenna a 77.
Ti previous record iti daytoy a titulo ket iggem ti pianist a ni Keita Hattori ti Japan nga addaan ti 495 hits.
Nabigbig metten ni Zoltán kadagiti immuna a world record-na kas ti panagpatukar iti kangatoan nga altitude (19,024 feet) ken ti kaatiddogan a tuluy-tuloy a panagpatukar iti piano (130 hours).
Iti agdama, manarimaan pay laeng ti panangberipikar ti Guinness World Records kadagiti naipatulod nga ebidensia ni Zoltan sakbay a pormal a maideklara a baro a record title holder.
