LAOAG CITY – Mangisayangkat ti imbestigasyon ti Senado mainaig iti agtultuloy a panagngato ti presyo ti bagas ken dadduma pay a produkto a pang-agrikultura, kalpasan ti possible a manipulasyon iti lokal a merkado dagiti kangrunaan a magatgatang.
Iti maysa a press conference, inpetteng ni Senador Sherwin Gatchalian, chair ti Senate Committee on Ways and Means, ti kinapateg ti panangimbetigar kadagiti saan a naipagagangay a panaggaraw ti presyo dagiti magatgatang, aglalo ket arigna naisapsapa ti panagngato ti presyo ti bagas.
Segun ken ni Gatchalian, adda ti atapna a sumagmamano a market players ti manggungundaway iti sitwasyon tapno agipangato ti presyo ti bagas.
