LAOAG CITY – Pormal a mairubwat ti PIDAL wenno “Pagkakadwaan nga intay Dalusan Angin a Langlang-aben” intono Sabado Nobiembre 29, iti ciudad ti Batac nga idauloan ni Governor Cecilia Araneta Marcos kenni Vice Gov. Matthew Marcos Mnaotoc.
Segun kenni Mr. Jogie Jimenez, kas selebrasyon ti National Clean Air Month ket gundaway tapno ipalagip ken ipakita ti kinapateg a pagtalinaeden ti nadalos nga angin gapu ta daytoy ti langlang-aben.
Kunana a ti kada angin a lang-aben ket regalo ken libre rason a nasken a saan kuma a mabaybay-an ken pagtalinaeden a nadalus.
Inlawlawagna a narway dagiti wagas a mapagtalinaed a nadalus ti angin kas iti panangsuporta ti sustainable transportation wenno panagusar ti bisikleta kas eco-friendly nga alternatibo a pagluganan tapno bumassit ti air pollution ken carbon emission.
Daytoy ti rason no apay a kageddan iti nasao a programa ket ti panagbisikleta dagiti mangayat a makipagpartisipar iti nasao a selebrasyon tapno maitandudo ti nadaldalus ken sustainable a panagbiag.
