LAOAG CITY – Inaprubaran ti Department of Agriculture (DA) ti panagangkat ti 4 a ribo a metriko tonelada a sibuyas tapno maliklikan ti panagngato manen ti presyo na kas iti napasamak idi 2022 no sadinno nga immabot iti P720 iti kada kilo gapu iti kinakurang ti suplay.
Segun ken ni Department of Agriculture Secretary Francisco Tiu Laurel Jr., gagem ti nasao nga addang a lapdan ti pananggundaway dagiti negosyante a mangmanipular ti presyo iti baet ti panagkurkurang ti suplay iti merkado.
Iti uneg ti dua a lawas ket namnamaen a sumangpeten ti 3 ribo a metriko tonelada a nalabbaga a sibiuyas ken sangaribo a metriko tonelada ti puraw a sibuyas bayat iti panagur-uray ti panagapit dagiti lokal a mannalon.
Inbatad met ni Bureau of Plant Industry (BPI) Director Glenn Panganiban a ti panagangkat met maysa a preventive measure tapno punuan ti possible a panagkurang ti suplay iti nasao a produkto.
