LAOAG CITY – Ikarkarigatan ti Pilipinas a mangbukel ti maysa a defense cooperation agreement iti New Zealand kas ti Visiting Forces Agreement ti pagilian iti Estados Unidos.
Nakitaripnong ni Defense Secretary Gilbert Teodoro Jr. ken ni New Zealand Deputy Prime Minister ken Minister of Foreign Affairs Right Honorable Winston Raymond Peters iti napalabas a lawas tapno talantanenda ti katulagan ken dadduma pay a banag.
Inbatad ti ahensia a daytoy ti umuna a gundaway a bimmisita ti nangato nga opisial manipod iti New Zealand.
Indanon met ni Teodoro ti panagyaman iti naiget a suporta ti New Zealand iti Pilipinas.
Nupay kasta, kuna ti Department of National Defense, napirmaan ti nasao a katulagan idi Hunio 10 iti babaen ti ad referendum, ni Assistant Secretary for Strategic Assessments and International Affairs Marita Yoro ken Commodore Maxine Lawes, Commander Logistics ti New Zealand Defense Force.
