LAOAG CITY – Nagballaag ni Senate Minority Leader Alan Peter Cayetano a maperperdi ti imahe ti Pilipinas iti ballasiw-taaw gapu iti wagas a panangiggem ti gobierno kadagiti imbestigasion iti maanomalya nga arig circus.
Inbatadna nga arig agbalbalinen a “palabas” ti wagas ti gobierno iti panangsolbar kadagiti kaso ti maanomalya.
Dinakamat ti senador a lumablabesen iti pulitika ti isyu ken makaap-apektaren iti reputasion dagiti Pilipino iti intero a lubong.
Inallukoyna dagiti institusion ti gobierno nga iwayat dagiti imbestigasion iti patas ken addaan ti disiplina tapno maisubli ti talek ti publiko iti pagannurotan ti linteg.
