LAOAG CITY – Manamnama a mangipaay ti P102.12 bilyon ti mapastrek ti gobierno iti implementasyon ti 12% value-added tax iti digital services nga ipapaay dagiti non-resident wenno foreign entities iti pagilian iti sumaruno a lima a tawen.
Iti maysa nga statement, inbatad ti Department of Finance (DOF) nga iti kanito a maipatungpal ti value-added tax iti foreign digital service providers, namnamaen a makakolektar ti gobierno ti P102.12 bilyon manipod 2025 agingga iti 2029.
Iti 2025 laeng, iti 50% compliance ket possible nga umabot iti P7.25 bilyon ti mapastrek iti daytoy.
Maipalagip nga idi laeng miyerkules ket pinirmaan ni Presidente Ferdinand Marcos Jr. ti Republic Act 12023 a mangipataw ti 12% value-added tax iti foreign digital services.
