LAOAG CITY – Makisarsarita ti Pilipinas kadagiti pagilian a trade partner daytoy kas iti India para iti nayon a suplay ti langis basar ken ni Presidente Ferdinand Marcos Jr.
Malaksid iti India, inbatad ti Presidente nga inraman ti gobierno a kasarsarita ti China, Japan, Thailand, Brunei, ken South Korea iti posible a pagangkatan ti suplay.
Kuna ni Marcos, nagbalin met a napintas ti resulta ti panagsinnarita ken nakasaganada a tumulong ditoy Pilipinas.
Nupay kasta, saan a dinakamat ni Marcos no ania a partikular a pagilian ti tumulong iti Pilipinas.
Immuna iti daytoy, inpasigurado ti Department of Energy nga adda pay ti pagalaan ti suplay kadagiti produkto a petrolyo dagiti kompania ti langis kalpasan ti bpril 15 wenno ti panawen no agingga kaano nga agpaut ti suplay ti langis ditoy pagilian iti agdama.
