LAOAG CITY – Nagun-od ti Pilipinas ti Guinness World Record para iti Largest Human Lung Formation kas panagkaykaysa kontra iti sakit a tuberculosis para iti World TB Day idi tawen 2024.
Indauloan ti Department of Health (DOH) kaduana dagiti dadduma a grupo manipud iti sektor ti salun-at, edukasion ken manipud kadagiti local government ti formation iti Quirino Grandstand.
Saan met a napaay ti Pilipinas a nakagun-od ti world record iti maikadua a gundaway.
Nadakamat ken ni Chong Wai Yip, adjudicator ti Guinness World Records nga ikonkonsiderar kas ti pannakipaset iti formation no sadinno awan ti gap iti pannakabukel ti lung formation.
Basar kadagiti pannakabagi ti Guinness, inabak ti Pilipinas nga addaan ti 5,596 participants, ti India nga addaan ti 5,007 nga indibidual a nakipartisipar tapno buklen ti nasao a lung formation ken magun-od ti Pilipinas ti world record.
Immunan nga inrakurak ni Health Secretary Ted Herbosa a paigetanda ti kampania ken suporta tapno lappedan ti sakit a tuberculosis.
