LAOAG CITY – Nagun-od ti Pilipinas ti target-na nga ad-adu pay a Pilipino ti agusar ti digital a panagbayd.
Basar iti baro a nairekord ti Bangko Sentral ng Pilipinas (BSP), umabot iti 69.4 percent ti pakabukelan ti addaan ti digital payment accounts-na no sadinno ket nagun-odna ti 60 agingga 70 a porsiento a target ti pagilian.
Mainaig iti daytoy, inbatad ti central bank nga umad-adon dagiti business outlets nga agakakseptar iti digital payments no sadinno ket ngimmato daytoy iti 36.3 a porsiento.
Gapu iti daytoy, impasigurado ti Bangko Sentral ng Pilipinas (BSP) ti agtultuloy a panangmonihirda iti industria ti digital payments tapno ad-ado a Pilpino ti mabenepisiaran pakairamanan ti intero nga ekonomiya.
