LAOAG CITY – Inrakurak ti Securities and Exchange Commission (SEC) a pormalen a naikkaten ti Pilipinas iti gray list ti Financial Action Task Force (FATF).
Inbatad ni Securities and Exchange Commission Chairperson Emilio Aquino a longest serving member ti Anti-Money Laundering Council (AMLC) ti naitulong ti Securities and Exchange Commission iti balligi daytoy.
Maipalagip a nairaman ti Pilipinas iti Financial Action Task Force gray list idi Hunio 2021 kalpasan a nakita ti global watchdog ti “strategic deficiencies” ti pagilian iti panagserrek ken panagruar a maipagarup ng illegal funds.
Naikkan ti pagilian ti agingga idi Enero 2023 tapno agaramid dagiti reporma ken makaruar iti gray list.
Idi Enero 2024, inbatad ni Presidente Ferdinand Marcos Jr. nga aramidenna a prayoridad a makatalaw ti Pilipinas iti Financial Action Task Force gray list.
