LAOAG CITY – Namnamaen ti panagangkat ti Pilipinas ti ad-ado a manok iti sumaruno a tawen gapu iti nangato a demand manipod iti manufacturing ken food service sectors.
Maibasar iti Foreign Agricultural Service iti US Department of Agriculture (USDA), ti angkaten ti Pilipinas a manok ket mapatta-patta nga umabot iti 780,000 a metriko tonelada intono 2027.
Nangatngato daytoy iti 14.7-percent manipod iti 680,000 a metriko tonelada ita a tawen 2026.
Basar iti international agency, agtalinaed a ti Brazilian chicken ti kangrunaan nga angkaten ti Pilipinas iti sumaruno a tawen.
