LAOAG CITY – Awan ti rumbeng a pagdanagan dagiti mangmangged a Pilipino iti pannakapukaw ti trabaho gapu iti Artificial Intelligence basar iti World Bank.
Daytoy ket kalpasan a nababba ti epekto ti Artificial Intelligence kadagiti developing countries kas ti Pilipinas maidasig kadagiti babaknang a pagilian.
Basar kada Gabriel Demombynes, Jörg Langbein ken Michael Weber, ad-adda a limitado ti epekto ti Artificial Intelligence iti labor market dagiti pagilian a nababa ti birok gapu ta ad-adu a trabaho ditoy ti agkasapulan ti manual labor ken interpersonal interaction, dagiti trabaho a saan nga alisto a suktan ti Artificial Intelligence.
Naammoan a ti kinakurang ti kuriente ken internet kadagiti dadduma a pagilian ket maysa pay a rason no apay nababbaba ti exposure iti Artificial Intelligence.
