LAOAG CITY – Inbatad ni Bombo International News Correspondent Paul Vizacarra Osorio iti Texas a magagara dan a maamoan no siasinno ti mangabak iti kina-presidente ti Amerika.
Nupay kasta, kuna ni Osorio a saan da a kuntento iti maiparparuk-at ita a resulta ken arig na nagulo daytoy a panagbilang.
Inlawlawag na a dagiti dadduma ket arig na nai-hold ti pannakiparuk-at ti resulta ken saan nga agbalbalin a pabor iti tunggal maysa.
Manaig iti daytoy, kuna ni Osorio nga adda ti rumrumwar a report a saan nga agpada ti bilang dagiti botante iti rumrumwar a resulta ti butos ngem awan met pay ti kumpirmasyon na daytoy.
Naamoan a ti estado ti Texs ket kanayon a mangabak ti Republican.
Kabayatanna, inbatad pay ni Osorio nga adda ti posibilidad wenno mabalin a mapasamak ti panagdoble nga agbutos dagiti tattao.
Reaksyon na daytoy iti teorya dagiti kaadoan a dagiti nalpasen a nakabutos babaen iti mail-in voting ket maipagarop a mapan manen agpila ken agbutos iti personal.
Kabayatanna, kuna na a gapo ta kastoy ti pannakaiparuk-at ti resulta ket pabor isuna nga adda ti maiyuswat nga imbestigasyon tapno maipakita a nadalos ti eleksyon ken tapno maiklikan ti panagdudua dagiti dua a partido no adda ti napasamak a panagswitik.
