LAOAG CITY – Addan ti ar-aramiden nga addang ti embahada ti Pilipinas idiay Ukraine tapno matulungan dagiti Pilipino no bilang kumaro ti tensyon iti nagbaetan ti nasao a pagilyan ken ti Russia.
Daytoy ti report ni Bombo International News Correspondent Joy Fernandez iti Ukraine.
Nupay kasta, kuna ni Fernandez a nagtalinaed a natalged dagiti Pilipino iti nasao a pagilyan ken mamati da a saan a basta mapan rumaot ti Russia idiay Ukraine.
Inlawlawag na a no bilang kumaro ti sitwasyon iti nasao a pagilyan ket possible a maibakwit da a Pilipino iti Czech Republic ken Poland gapu ta isu ti manarimaan a kakokoordinar ti embahada ti Pilipinas.
Immunan nga inbatad ni Fernandez nga innalan ti embahada ti Pilipinas ti kompleto nga impormasyon da amin a Pilipino idiay Ukraine tapno al-alisto da a mabirukan dagitoy no kumaro ti sitwasyon iti nadakamat a pagilyan.
