Nagdesisyon ti Parliament ti South Korea nga ipadisi ni President Yoon Suk Yeol kalpasan ti panagideklara na ti Martial Law, rason ti naruay a panagprotesta dagiti umili iti nadakamat a pagilian.
Iti 204 a botos manipud kadagiti agpanpanday linteg ket karaman dagiti sumagmamano a partido ni Yoon iti People Power Party (PPP) a naaprobaran ti impeachment motion.
Nagbanag daytoy iti maysa a selebrasyon manipud kadagiti rinibu nga anti-Yoon protesters iti ruar ti National Assembly.
Indeklara ti National Assembly Speaker nga adda iti ima dagiti umili ti masakbayan ti Republic of South Korea.
Kabayatanna, maur-uray ti desision ti constitutional court iti uneg ti 180 nga aldaw ken temporario nga agtakem ni Prime Minister Han Duck-soo kas agdama a presidente.
